![](https://www.jambyl-notariat.kz/wp-content/uploads/2020/01/IMG-20191226-WA0010-1024x768.jpg)
![](https://www.jambyl-notariat.kz/wp-content/uploads/2020/01/IMG-20191226-WA0010-1024x768.jpg)
Жамбыл облыстық нотариаттық палата мәжіліс залында 2019 жылғы 26 желтоқсан күні Жамбыл нотариаттық округінің жеке практикамен айналысатын нотариустарының жалпы жиналысы өткізілді. Жалпы жиналысқа нотариаттық палата мүшелігінде есепте тұрған 177 нотариустың 120-ы қатысты. Жиналыс алдында Жамбыл облыстық нотариаттық палата төрайымы Латипа Қонысбекқызы Сырғабаева, Тәртіптік комиссия төрағасы Ұланбек Сәбиұлы Жұмағұлов, Ревизиялық комиссия төрайымы Күлзираш Жұматайқызы Увалиева 2019 жылы атқарған жұмыстары жөнінде есеп берді.
Нотариаттық палатаның, басқарманың, жалпы жиналыстары шешімдерімен құрылған,тұрақты түрде жұмыс атқаратын заңнамалық жұмысыжәне әдістемелік көмек бойынша, нотариаттық тәжірибені жалпылау, мәдениет-демалыс жұмысы және әлеуметтік мәселелер бойынша комиссиялар жұмыстары қорытындалды. Жалпы жиналыс аталған комиссиялар жұмысын қанағаттандырарлық деп таныды.
Жамбыл облыстық нотариаттық палатасының этика, кәсіби ар-ожданы және имидж жөнінде комиссия Ережесіне сәйкес аталған комиссия қүрамы жалпы жиналысқа қатысқан нотариустармен қайта сайланды.
Республикалық нотариаттық палата медалімен басқарма мүшесі Ұлбосын Сейдакпарқызы Алтыбаева марапатталды. Сонымен қатар құттықтау және сыйлықтарын табыстау мақсатында мерей жасқа толған нотариустар Шыңғыс Бегасилов пен Светлана Сарафинова аттары аталды. Басқарма тапсырмасы бойынша палата төраймы Жаңа 2020 жыл қарсаңында Қазақстандық заңгерлер одағының Мадақтамасын нотариустар Биманова Райкуль Омаровна, Саржанова Гульбайра Серикжановна, Рахимбаева Гульнар Камшибековналарға тапсырды. Жамбыл облыстық нотариаттық палатасының МадақтамасыТәртіптік,Ревизиялық, заңнамалық жұмысы және әдістемелік көмек бойынша, нотариаттық тәжірибені жалпылау, мәдениет-демалыс жұмысы және әлеуметтік мәселелер бойынша комиссияларына табыс етілді. Нотариаттық палата қоғамдық жұмысына белсене қатысатын нотариустарМамедахунов Сабит, Игликов Амангельды, Сырлыбаев Максутбек, Сайлыбаев Абдрасил, Суюнчалиева Назико, Жунискадырова Айнур, Омарова Эльмира, Азимкулова Асель, Шанбаева Шолпан және тағы басқаларға бағалы сыйлықтар тапсырылды.