Өткен жұма күні, яғни 2019 жылғы 12 шілдесі күні Республика аумағындағы барлық нотариустармен қатар Жамбыл облыстық нотариаттық палатасы да нотариустардың кәсіби мерекесі- Нотариат күнін атап өтті. Осы айтулы мереке қарсаңында және 2019 жылға арналған жұмыс Жоспарына сәйкес нотариаттық палата өте маңызды, қажетті және мағыналы іс шара өткізді. Жамбыл нотариаттық округі нотариустары арасында алғашқы рет «Интеллектум-2019» атты интеллектуалды байқауұйымдастырылды.
Байқауға Биманова Райкуль Омаровна, Сиренко Александр Александрович, Игликов Аманкелды Нугманович, Мамекова Лязат Саликовна, Саржанова Гулсим Серикжановнажәне Лиров Мухарме Бекировичсынды көшбасшылары бастаған 6 команда қатысты. Командалар белсінділік танытып, өздерінің жақсы дайындықтарын, ауызбіршіліктерін және жеңіске деген ұмтылыстарын таныта білді.
Командалар дайындығын нотариат майталмандары, өз істерінің кәнігі шеберлері, нотариат саласында көп жыл бойы тәжірибе жинақтаған жоғары буын нотариустары Койбаков Базархан Шолпанкулович, Нурханова Гаухар Умирхановна, Шеримбекова Шари-зада, Райымбекова Куаныш Абдуевна, Базарова Раиса Тураровна, Байлина Толкын Жаксыбаевнадан тұратын төрелер алқасы бағалады.
Байқау қорытындысы бойынша жүлделі орындар төмендегідей үлестірілді.
Бірінші орынды«Риск» командасы иеленді, команда қатарында нотариустерБиманова Райкуль Омаровна, Кенже Гульнара, Саржанова Гульбайра Серикжановна, Мухамеджанова Арайлым Кенесбековна, Азимкулова Асель Куатовна, Толамбай Гульшат Жолшыбеккызы, Авданбаева Жанар Рустемовна өз білімдері мен біліктіліктерін ортаға салды.
Екінші орын «Наследники Великой степи» командасына бұйырды, онда нотариустер Мамекова Лязат Саликовна, Бекбаева Гульнур Сайляукуновна, Батбаева Бахыт Юлдашевна, Саржанов Данияр Серикжанович, Мудуарова Гулсим Таскуловна, Кубеева Жанна Бахытжановна, Смагулов Муратхан Куреншеевич сыңға түсті.
Үшінші орынды «Лидер» командасы иеленді, оның қатарында нотариустер Саржанова Гулсим Серикжановна, Ахметова Ляззат Абылкасымовна, Тилеулиев Женисхан Берикович, Байтилеуова Айша Абитаевна, Тусупова Бахыт Расовна, Кенжетаева Жулдыз Рыскельдиевна, Хуров Ильяс Марович шеберліктерін танытты.
Байқау қатысушыларын шын жүректен құттықтай отырып, алдағы уақытта да жеңіске жетулеріңізді, бақытты болуларыңызды және барлық жақсылықты тілейміз! Баршыңызға мереке құтты болсын!
Қазақстан Республикасының«Нотариат туралы» Заңының қабылданғанына 22 жыл толуын атап өтуге арналған мерекелік іс-шаралардың екінші бөлігі сол күннің екінші жартысында өз жалғасын тапты. Құттақтау сөзін алған Жамбыл облыстық нотариаттық палатасы төрайымы Л.Қ.Сырғабаева әріптестерін кәсіби мерекемен құттықтап, баршаға денсаулық, отбасыларының амандығын тілей отырып, жеңіске жетулерімен құттықтап, «Интеллектум-2019» байқауының жеңімпаздарына жүлделерін, барлық қатысушыларға сертификаттары мен естелік сыйлықтарын табыс етті.
Алтыбаева Улбосын Сейдакпаровна және Жексенова Айгуль Жашибаевна Республикалық нотариаттық палатасының «Нотариат саласындағы адал еңбегі үшін» медалімен марапатталды.
Республикалық нотариаттық палатасының Құрмет грамотасымен нотариустер Макулова Кульжан Бауржановна, Байжанов Рамазан Бекмуратович, Кожевина Марета Мовлиевна марапатталды.
Республикалық нотариаттық палатасының Алғыс хатымен нотариустер Азимкулова Асель Куатовна, Игликов Аманкелды Нугманович, Шанбаева Шолпан Ракымовна, Қалтай Гулмира Орынбасарқызы, Утеулиева Лязат Корпешовна, Байсейтов Ержан Асетович, Сейтбаева Сауле Калыковнамарапатталды.
Құттықтау сөздерін Жамбыл облыстық нотариаттық палата қонақтары Жамбыл облысы Әділет департаменті басшысының орынбасары Дайрабаев Даурен Жигулиевич, бөлім басшысы Султанбеков Даныш, нотариат ардагері Уразалиева Светлана Кулумжановна нотариустерге арнады.
Осы мерекелік іс-шараны ұйымдастыруға және өткізуге ат салысуда белсенділік танытқан палата мамандары Гусманова Альбина, Урдабаева Асель, Үсіп Жазира, Сабит Жанерке, Курбанова Гузал, Есжанова Кумискуль Жамбыл облыстық нотариаттық палатасының Алғыс хатымен ерекшеленді.
Нотариат күнін атап өтуге арналған мерекелік іс-шаралар «Империал» мейрамханасының кіші залында ұйымдастырылған салтанатты кешке ұласты. Нотариустерді мол дастархан, әсем әуен, екі тілде еркін жүргізетін, сырнайда ойнаудың хас шебері Әсет асаба күтіп алды.
Барлық нотариустер бірі-бірін кәсіби мерекелерімен құттықтап, әріптестеріне жылы лебіздері мен ыстық ықыластарын білдіруге толық мүмкіндікке қол жеткізді.
Көптеген қызықты да көңілді байқаулар нотариустерге көтеріңкі көңіл күй мен шаттық сыйлады.
Өз әріптестерін кезекті рет ғажайып даусымен Авданбаева Жанар Рустемовна қуантып,«Армандастар-құрдастар» атты белгілі ән әуеніне жазылған нотариустер ән ұраны орындалды.
Өз жүрегінен шыққан «Достарыма» атты арнау әні арқылы құттықтауын біздің белсенді маманымыз Мамедахунов Сабит Хабибуллаевич жеткізді.
Жасырылған қалалардың аттарын табудан кітапты көп оқитын нотариус Джолтаева Гулбейне Аманжолқызы алдына жан салмаса, «Жұлдызды тап» викторинасында Алтыбаева Улбосын Сейдакпаровнаға еш кім тең келмеді.
Нотариустер әр түрлі музыкалық аспаптарды меңгергенәріптестерінің осыған дейін құпия болып келген дарынды музыканттар екенін жаңадан біліп, аса қадірлі ер азаматтар Шаймерденов Аскар Ауесханович, Жумагулов Уланбек Сабиевич, Калабаев Дуйсенали Ибрагимович, Аргымбаев Санжар, Тлеулиев Ергалидің өнерлеріне тәнті болды.
«Интеллектум-2019» байқаунда 3 орынды иеленген команда мүшесі нотариус Саржанова Гулсим Серикжановнаның жүрек жарды сөздері еш кімді толғандырмай қоймады. Гүлсім өз еңбек жолын Қордай ауданында бастағанын тілге тиек ете отырып, сол ауданда қызмет ететін нотариат саласы мамандарынан көп тәлім-тәрбие, білім, өнеге алғанын есіне түсіріп, әріптестеріне шын жүректен ризашылық білдіріп, байқаудың қорытындысы бойынша 3 орынға берілген кубокты Кордай ауданы нотариустарына тапсырды.
Латипа Қонысбекқызы бастаған, мерекеге жиналған қонақтардың барлығы сол кеште өз уақыттарын өте жоғары деңгейде өткізіп, «Классик» дуэтінің керемет өнеріне тәнті болып, атақты тараздық «Сарман» бойз-бенді орындауында шырқалған ел сүйіп тыңдайтын әсем әуендер ырғағына би алаңынан бой көрсетті.
Нотариаттық палаты төрайымы барлық келушілерге ризашылығын білдіріп, палатаның қоғамдық жұмысына қатысуда белсінділік танытуға шақыра келе, алдағы уақытта да түрлі іс-шаралар бойынша жаңаша, заманауи ұсыныстар беру қажеттілігін естеріне сала отырып, ұйымшылдық пен ауызбіршіліктің маңыздылығын атап өтті.
Отдельная благодарность организаторам вечера Коскеевой Салтанат Жаксылыковне и Калтай Гульмире Орынбасаркызы. Кеш ұйымдастырушылары Коскеева Салтанат Жаксылыковна және Калтай Гульмира Орынбасаркызына арнайы ризашылығымызды білдіреміз.
Мереке көпшіліктің ойынан шықты деген үміттеміз.
Для отправки комментария вам необходимо авторизоваться.